હાં રે તને કેમ નો આવે સમજણ મા
ગુણ નહિરે ગવાય ગઢપણ માં
હા રે તારી જુવાની જાશે એક પળ માં....ગુણ નહિરે ગવાય

હા રે કાયા પડું પડું થાય જીવ આવે ને જાય
હા તારી ગાડી રોકાય જાશે રણમાં ....ગુણ નહિરે ગવાય

હા રે કાને સંભળાય નહિ આંખે દેખાય નહિ
હા રે પછી કેમ જશો સત્સંગમાં ....ગુણ નહિરે ગવાય

હા રે પગે ચલાય નહિ ઉભું રહેવાય નહિ
હા રે પછી કેમ જશો સત્સંગમાં ....ગુણ નહિરે ગવાય

હાંરે ખૂણામાં ખાટ ઢળાય પછી નહિરે સહેવાય
તને દુઃખ ઘણું લાગે તારા દિલમાં ....ગુણ નહિરે ગવાય

હા રે પૂરું ખવાય નહિ ભૂખ્યા રહેવાય નહીં
કાચા અન્ન રેડાય ઉદર માં ....ગુણ નહિરે ગવાય

હા રે બાંધ્યા બઁગલા ને મહેલ પછી લાગે તને જેલ
હાંરે તારા દીકરાનું ધ્યાન તારા ધનમાં ....ગુણ નહિરે ગવાય

હાંરે સાંભળો સન્તોની વાત કરો પ્રભુનો સન્ગાથ
એવું સાંભળીને આવો સત્સંગમાં ....ગુણ નહિરે ગવાય

હાંરે પુનિત છેલ્લો છે શ્વાસ એ તો કાઢશે તારી લાશ
એવું સાંભળીને આવો સત્સંગમાં ....ગુણ નહિરે ગવાય